ಶಿವಮೊಗ್ಗ ಟೆಲೆಕ್ಸ್ ಸುದ್ದಿ,ಆ.20
ಪ್ರಧಾನಿ ನರೇಂದ್ರ ಮೋದಿ ವಿರುದ್ದ ಮಾತನಾಡುವ ಸಾಮಾಜಿಕ ಜಾಲತಾಣಗಳ ಅಕೌಂಟ್ ಅನ್ನು ಬ್ಲಾಕ್ ಮಾಡಲಾಗುತ್ತಿದ್ದು, ಪ್ರತಿ 68 ಸೆಕೆಂಡ್ಗಳಿಗೆ ಒಂದು ಅಕೌಂಟ್ ಬ್ಲಾಕ್ ಆಗುತ್ತಿದೆ ಎಂದು ದಿ ಇಂಡಿಯನ್ ಎಕ್ಸ್ ಪ್ರೆಸ್ ಅಂಕಿ ಅಂಶವನ್ನು ಬಿಡುಗಡೆ ಮಾಡಿದೆ.
ದಿ ಇಂಡಿಯನ್ ಎಕ್ಸ್ ಪ್ರೆಸ್ ಅಂಕಿಅಂಶವನನ್ನು ರಾಜ್ಯ ಗೃಹ ಸಚಿವ ಪ್ರಿಯಾಂಕ್ ಖರ್ಗೆ ಗುರುವಾರ ತಮ್ಮ ‘ಎಕ್ಸ್’ ಖಾತೆಯಲ್ಲಿ ಹಂಚಿಕೊಳ್ಳುವ ಮೂಲಕ ಮೋದಿ ಹಾಗೂ ಬಿಜೆಪಿಯ ಐಟಿ ಸೆಲ್ ಅನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
2024-25 ರಲ್ಲಿ ಇನ್ಸ್ಟಾಗ್ರಾಮ್, ಫೇಸ್ಬುಕ್ ಹಾಗೂ ಯೂಟ್ಯುಬ್ ಗಳ 2,312 ಅಕೌಂಟ್ ಅನ್ನು ಬ್ಲಾಕ್ ಮಾಡಲು ಆದೇಶವನ್ನು ಈ ಸರ್ಕಾರ ಮಾಡಿದ್ದು, ಅದರಂತೆ ಕೇವಲ ಐದು ತಿಂಗಳಲ್ಲಿ ಸುಮಾರು 1.95 ಲಕ್ಷ ಅಕೌಂಟ್ಗಳನ್ನು ಬ್ಲಾಕ್ ಮಾಡಲಾಗಿದೆ. ಅಂದರೆ ಪ್ರತಿದಿನ ಸುಮಾರು 1,275 ಅಕೌಂಟ್ಗಳನ್ನು ಬ್ಲಾಕ್ ಮಾಡು ಆದೇಶವನ್ನು ಹೊರಡಿಸಲಾಗುತ್ತಿದ್ದು, ಪ್ರತಿ 68 ಸೆಕೆಂಡುಗಳಿಗೆ ಒಂದು ಅಕೌಂಟ್ ಬ್ಲಾಕ್ ಆಗುತ್ತಿದೆ.
ಗಮನಿಸಿ: ಕಾರು–ಬೈಕ್ ಮುಖಾಮುಖಿ ಡಿಕ್ಕಿ: ಸ್ಥಳದಲ್ಲೆ ಯುವಕ ದುರ್ಮರಣ..!!
ಸಾಮಾಜಿಕ ಜಾಲತಾಣಗಳಾದ ಇನ್ಸ್ಟಾ ಗ್ರಾಮ್, ಫೇಸ್ಬುಕ್, ಯೂಟ್ಯುಬ್ಗಳು ದೇಶದ ಅರ್ಧದಷ್ಟು ಯುವ ಸಮೂಹಗಳಿಗೆ ಮಾತನಾಡುವ, ಸಂಘಟಿಸುವ ಮತ್ತು ಭಿನ್ನಾಭಿಪ್ರಾಯ ವ್ಯಕ್ತಪಡಿಸುವ ವೇದಿಕೆಯಾಗಿದೆ. ಆದರೆ ಸಾಮಾಜಿಕ ಜಾಲತಾಣಗಳಿಂದ ಸರ್ಕಾರದ ವಿರುದ್ದ ಬರುವ ಟೀಕೆಯನ್ನು 56 ಇಂಚಿನ ಎದೆಯು ನಿಭಾಯಿಸಲು ಸಾಧ್ಯವಾಗದೆ. ಮುಕ್ತ ವಾಕ್ಚಾತುರ್ಯವು ಕೇವಲ ಬಿಜೆಪಿ ಐಟಿ ಸೆಲ್ಗೆ ಮತ್ತು ಅದರ ಪರಿಸರ ವ್ಯವಸ್ಥೆಗೆ ಮೀಸಲಾಗಿದೆ ಮಾತ್ರ ಎಂಬಂತೆ ತೋರುತ್ತದೆ.
ಮೋದಿಜಿ ಪ್ರಜಾಪ್ರಭುತ್ವವನ್ನು ರಕ್ಷಿಸುವುದಕ್ಕಿಂತ ಸಾಮಾಜಿಕ ಜಾಲತಾಣಗಳ ವೀಕ್ಷಣೆ ಮಾಡುತ್ತಾರೆ. ಅವರ ಅನುಯಾಯಿಗಳು ಮತ್ತು ಅವರ ಆನ್ಲೈನ್ ಇಮೇಜ್ ಅನ್ನು ರಕ್ಷಿಸುವ ಬಗ್ಗೆ ಹೆಚ್ಚು ಕಾಳಜಿ ವಹಿಸುತ್ತಾರೆ ಎಂದು ಕುಟುಕಿದರು.